Parij shahri meri Ann Idalgo koronavirus keltirib chiqargan iqtisodiy inqiroz Parij-2024 yozgi Olimpiya va Paralimpiya o‘yinlari tashkilotchilarini bir qator sinovlar bilan yuzlashtirishini ta’kidladi.

“LʼEquipe” nashriga bergan intervyusida Idalgo xonim bu haqida atroflicha to‘xtalib o‘tdi. Uning ta’kidlashicha, virusga qarshi kurashish loyihasi asosida Parij-2024 sarf-xarajatlari ham qisqaradi. Idalgoning izohlarini Parij-2024 tashkiliy qo‘mitasi rahbari Tomi Estangeta ham ilgari surdi. Bunda tayyorgarlikning transport, turar joy, inson resurslarini tartibga solishdagi o‘zgarishlari millionlab xarajatlarni saqlab qoladi.

Idalgo Parij-2024 Olimpiya va Paralimpiya o‘yinlarini tashkil qilish va qo‘llab-quvvatlashda asosiy figuralardan biri bo‘lib, u va uning jamoasini O‘yinlarning smetasi bilan bog‘liq o‘zgarishlar xavotirga solmayotganini qo‘shimcha qildi. «Moliyaviy masalalar nazoratimizda bo‘lib turibdi. Bu borada o‘zimizga bo‘lgan ishonch mavjud va qandaydir muammo tug‘ilsa, uni hal qilamiz. Savollar ko‘proq chiptalar, homiylik va hamkorlik masalalari haqida bo‘ladi. Asosiysi belgilangan vaqtda biz hammasiga tayyor bo‘lamiz», – dedi Ann Idalgo.