Kuni kecha «Bunyodkor» futbol klubi o‘quv-mashg‘ulot bazasi to‘liq dezinfeksiya qilingani haqida xabar bergan edik. Endi Sanitariya-epidemiologik osoyishtalik agentligi xodimlari bazamizga tashrif buyurdi va jamoamizning jami 37 nafar a’zosi – futbolchilar, murabbiylar, personal xodimlardan koronavirusga namuna oldi.
Aytish kerak, o‘z ishining mutaxassisi bo‘lgan agentlik xodimlari tezkorlik bilan namuna natijalarini ham ma’lum qilishdi. Unga ko‘ra, test topshirgan jamoamizning barcha 37 nafar a’zosi sog‘lom ekanligi aniqlandi va ularga maxsus hujjat taqdim etildi.
