Куни кеча «Бунёдкор» футбол клуби ўқув-машғулот базаси тўлиқ дезинфекция қилингани ҳақида хабар берган эдик. Энди Санитария-эпидемиологик осойишталик агентлиги ходимлари базамизга ташриф буюрди ва жамоамизнинг жами 37 нафар аъзоси – футболчилар, мураббийлар, персонал ходимлардан коронавирусга намуна олди.

Айтиш керак, ўз ишининг мутахассиси бўлган агентлик ходимлари тезкорлик билан намуна натижаларини ҳам маълум қилишди. Унга кўра, тест топширган жамоамизнинг барча 37 нафар аъзоси соғлом эканлиги аниқланди ва уларга махсус ҳужжат тақдим этилди.