Sobiq futbolchi Santyago Kanisares Esekyel Garayni himoya qilib, «Valensiya» klubining obro‘si haqida gapirdi.
Avvalroq Garay "Valensiya" bilan shartnomani uzaytirmasligini aytib o‘tgandi.
«Men buni faoliyatim mobaynida birinchi marta qilyapman, lekin menga qarshi tuhmat kampaniyasi olib borilmoqda. Klubdagi odamlar meni professional sifatida obro‘sizlantirish niyatida. Men bugun shartnomani uzaytirish borasida aniq bir taklif olmadim, lekin klub meni matbuot orqali "o‘ldirmoqchi" bo‘lmoqda», — dedi Garay.
Kanisares Garayning tutgan yo‘lini to‘g‘ri deb hisoblamoqda.
«Valensiya» klubida o‘ynagan futbolchi sifatida shuni aytishim mumkinki, Garay to‘g‘ri gapirayotganiga shubha qilmayman. Klub o‘zini sharmandalarcha tutmoqda», — dedi Santyago Kanisares.
