Собиқ футболчи Сантьяго Канисарес Эсекьел Гарайни ҳимоя қилиб, «Валенсия» клубининг обрўси ҳақида гапирди.
Аввалроқ Гарай "Валенсия" билан шартномани узайтирмаслигини айтиб ўтганди.
«Мен буни фаолиятим мобайнида биринчи марта қиляпман, лекин менга қарши туҳмат кампанияси олиб борилмоқда. Клубдаги одамлар мени профессионал сифатида обрўсизлантириш ниятида. Мен бугун шартномани узайтириш борасида аниқ бир таклиф олмадим, лекин клуб мени матбуот орқали "ўлдирмоқчи" бўлмоқда», — деди Гарай.
Канисарес Гарайнинг тутган йўлини тўғри деб ҳисобламоқда.
«Валенсия» клубида ўйнаган футболчи сифатида шуни айтишим мумкинки, Гарай тўғри гапираётганига шубҳа қилмайман. Клуб ўзини шармандаларча тутмоқда», — деди Сантьяго Канисарес.
