UYEFA yevrokuboklarning ushbu mavsumini yakunlashning turli variantlarini ko‘rib chiqmoqda.

Eslatib o‘tamiz, 17 iyun kuni bo‘lib o‘tadigan tashkilotning ijroqo‘m yig‘ilishida Yevropa chempionlar ligasi va Yevropa ligasi musobaqasining qolgan qismi formati va sanasi tasdiqlanishi kerak.

"Mundo Deportivo" tarqatgan xabarga ko‘ra, variantlar biri sifatida "sakkiz finalchi" formatida musobaqalarni yakunlash ko‘zda tutilmoqda. Unga ko‘ra, chorak finaldan boshlab barcha klublar bir mamlakatga yig‘ilishadi hamda chorak final va yarim final bosqichlari bitta o‘yindan iborat bo‘ladi.

Jamoalar Lissabon shahrida to‘planib, u yerda mehmonxona, mashg‘ulotlar maydonlari va boshqa sharoitlarga ega bo‘lishadi. Bunday tizim ishtirokchilarning ortiqcha parvoz qilishining oldini oladi.