Superliganing 2020 yilgi mavsumi 4-tur uchrashuvlari 13-14-15 iyun kunlari bo‘lib o‘tadi. Butun jahonda koronavirus pandemiyasi sababli barcha futbol o‘yinlari tomoshabinlarsiz o‘tkazilmoqda. Jumladan O‘zbekiston Coca- Cola Superligasida ham uchrashuvlar tomoshabinlarsiz bo‘lib o‘tadi.

Biroq siz "Nasaf"ning barcha uy uchrashuvlarida stadiondagi muxlisiga aylanishingiz mumkin. Qanday qilib, degan savol tug‘ilishi tabiiy. Bunga yorqin misol qilib Germaniya bundesligasi va bir qator jahon futbol ligalarida pandemiya tufayli muxlislarsiz bo‘layotgan uchrashuvlarda o‘z jamoalarini ruhiy qo‘llab-quvvatlash uchun muxlislar o‘z suratlarini muxlislar sektorlariga joylashtirib fotomuxlisga aylanishmoqda va jamoalarini yolg‘izlatib qo‘yishmayapti.

Biz ham "Nasaf"ni qo‘llab-quvvatlash maqsadida muxlislarimiz uchrashuvlarga tashrif buyura olmasalarda, o‘z suratlari bilan fotomuxlisga aylanib, jamoani qo‘llab-quvvatlash va ularga ruhan dalda bo‘lishlari mumkin. Qo‘shimcha ma’lumotlar uchun marketing bo‘limi xodimi Sanjar Sayfiyev yoki muxlislar bilan ishlovchi mutaxassis O‘ktam Uzoqovlarga murojaat qilishingiz mumkin!

91 224 74 74 (S.Sayfiyev)
91 462 21 99 (O‘.Uzoqov)

Fotosuratlaringiz har bir uchrashuvda muntazam muxlislar sektoriga qo‘yib boriladi.