«Yuventus» hujumchisi Krishtianu Ronaldu jamoasining seshanba kungi mashg‘ulotiga ertaroq tashrif buyurdi. "Tuttosport" tarqatgan xabarga ko‘ra, 35 yoshli futbolchi klub bazasiga mashg‘ulotdan 4 soat ilgari yetib kelgan.

Portugaliyalik futbolchi dastlab bir nechta individual mashqlarni bajargan bo‘lsa, shundan so‘ng jamoadoshlari safiga qo‘shilib, jamoaviy mashg‘ulotda ishtirok etgan.

Ma’lumotlarga qaraganda, Ronaldu jismoniy tayyorgarlikni baholash uchun o‘tkazilgan topshiriqlarni a’lo bahoga topshirgan. Uning tayyorgarligi karantin boshlanishidan oldinga holatidan ham yaxshiroq bo‘lib chiqdi.

Joriy mavsumda Krishtianu turinliklar safida barcha musobaqalar doirasida 32ta o‘yinda maydonga tushib, 25ta gol urdi va 4ta golga assistentlik qildi. A seriyada mavsum 20 iyun kuni qayta davom ettiriladi.