Superliga restartiga Yangiyer shahrida tayyorgarlik ko‘rayotgan Viktor Kumikov boshchiligidagi "Andijon" jamoasi kecha birinchi liga vakili "Neftgazmontaj" klubiga qarshi o‘rtoqlik uchrashuvida maydonga tushdi.
Ushbu uchrashuvda Viktor Bolyutovich quyidagi tarkibni sinab ko‘rdi:
Birinchi bo‘limdagi tarkib: Aslonbek Ahrorov, Dmitro Zozulya, Usmonali Ismonaliyev, Xushnudbek Avilov, Azamat Isroilov, Jahongir Abdumo‘minov, Abdulloh Olimov, Farhod Bekmuratov, Muhammad Yuldashev, Jamshid Hasanov, Artyom Litvyakov.
Ikkinchi bo‘limdagi tarkib: Islombek Abdullayev, Asilbek Azizov, Nodir Mavlonov, Emmanuel Arivachukvu, Farhod Mirahmatov, Baxtiyor Qosimov, Ibe Okoro, Qahramon Bahodirov, Qahramon Bahodirov, Timur Usmanov, Siroj Meliyev.
Nazorat uchrashuvida vakillarimiz 3:1 hisobida g‘alaba qozonishdi. Kiritilgan gollarga Abdulloh Olimov, Farhod Bekmuratov va Baxtiyor Qosimovlar mualliflik qilishdi.
