Germaniya chempionatining 30-turi doirasida Dortmundning "Borussiya" klubi o‘z uyida "Gerta"ni qabul qilib, kichik hisobda g‘alaba qozondi.

Uchrashuvning birinchi bo‘limida hisob ochilmagan bo‘lsa, 57-daqiqada Emre Jan raqib darvozasini ishg‘ol etishga muvaffaq bo‘ldi. Ushbu gol mezbonlarning 3 ochkoni qo‘lga kiritishi uchun yetarli bo‘ldi.

Dortmundliklar YECHL yo‘llanmasi uchun kurashdagi raqiblari — "Bayer", "Leypsig" va Menxengladbaxning "Borussiya" klublari ochko yo‘qotishidan unumli foydalanib, ular bilan oradagi farqni oshirib olishga muvaffaq bo‘ldi.

"Borussiya" forvardi Erling Xoland bugun maydonga tushirilmadi.

Germaniya chempionati, 30-tur
Borussiya D – Gerta 1:0 (0:0, 1:0)
Gol: 1:0 – 57 Emre Jan.
Borussiya D – Byurki, Hakimiy, Akandji, Pishchek, Sancho, Vitsel (Balerdi, 80), Azar (Morey, 79), Dileyni, Brandt (Reyna, 68), Emre Jan, Gerreyru (Shmelser, 90).
Gerta – Yarsteyn, Boyata, Mittelshtedt, Pekarik, Torunariga, Gruyich (Mayer, 88), Shelbred (Piontek, 62), Lukebakio (Ngankam, 46), Darida, Dilrosun (Essvayn, 30; Samardjich, 88), Ibishevich.
Ogohlantirishlar: Essvayn (76), Piontek (77).