Германия чемпионатининг 30-тури доирасида Дортмунднинг "Боруссия" клуби ўз уйида "Герта"ни қабул қилиб, кичик ҳисобда ғалаба қозонди.

Учрашувнинг биринчи бўлимида ҳисоб очилмаган бўлса, 57-дақиқада Эмре Жан рақиб дарвозасини ишғол этишга муваффақ бўлди. Ушбу гол мезбонларнинг 3 очкони қўлга киритиши учун етарли бўлди.

Дортмундликлар ЕЧЛ йўлланмаси учун курашдаги рақиблари — "Байер", "Лейпциг" ва Менхенгладбахнинг "Боруссия" клублари очко йўқотишидан унумли фойдаланиб, улар билан орадаги фарқни ошириб олишга муваффақ бўлди.

"Боруссия" форварди Эрлинг Холанд бугун майдонга туширилмади.

Германия чемпионати, 30-тур
Боруссия Д – Герта 1:0 (0:0, 1:0)
Гол: 1:0 – 57 Эмре Жан.
Боруссия Д – Бюрки, Ҳакимий, Аканджи, Пишчек, Санчо, Витцель (Балерди, 80), Азар (Морей, 79), Дилэйни, Брандт (Рейна, 68), Эмре Жан, Геррейру (Шмельцер, 90).
Герта – Ярстейн, Боята, Миттельштедт, Пекарик, Торунарига, Груйич (Майер, 88), Шелбред (Пионтек, 62), Лукебакио (Нганкам, 46), Дарида, Дилросун (Эссвайн, 30; Самарджич, 88), Ибишевич.
Огоҳлантиришлар: Эссвайн (76), Пионтек (77).