UEFA Chempionlar ligasi nimchorak final bosqichi doirasidagi javob o‘yinlari sanasini kelasi haftada e’lon qilmoqchi.
1/8 finalning javob uchrashuvlari 8 va 9 avgust kunlari o‘tkazilishi rejalashtirilmoqda. 12 avgust kunidan boshlab esa Lissabon shahrida mini-turnir boshlanadi. Unda sakkiz jamoa bitta o‘yindan iborat pley-off formatida g‘olib nomini aniqlashadi.
Barcha bahslar «Joze Alvalade» va «Eshtadiu da Lush» stadionlarida muxlislarsiz o‘tkaziladi.
Eslatib o‘tamiz, «PSJ», «Atletiko», «Atalanta» va «Leypsig» klublari Chempionlar ligasining chorak finaliga chiqqan.
Yana 4ta yo‘llanma quyidagi juftliklar orqali aniqlanadi.
«Manchester Siti» - «Real» (dastlabki o‘yin - 2:1),
«Bavariya» - «Chelsi» (dastlabki o‘yin - 3:0),
«Yuventus» - «Lion» (dastlabki o‘yin - 0:1),
«Barselona» - «Napoli» (dastlabki o‘yin - 1:1).
Yevropa ligasining qolgan qismi qanday formatda, qachon o‘tkazilishi hozircha aniq emas.
