УЕФА Чемпионлар лигаси нимчорак финал босқичи доирасидаги жавоб ўйинлари санасини келаси ҳафтада эълон қилмоқчи.
1/8 финалнинг жавоб учрашувлари 8 ва 9 август кунлари ўтказилиши режалаштирилмоқда. 12 август кунидан бошлаб эса Лиссабон шаҳрида мини-турнир бошланади. Унда саккиз жамоа битта ўйиндан иборат плей-офф форматида ғолиб номини аниқлашади.
Барча баҳслар «Жозе Алваладе» ва «Эштадиу да Луш» стадионларида мухлисларсиз ўтказилади.
Эслатиб ўтамиз, «ПСЖ», «Атлетико», «Аталанта» ва «Лейпциг» клублари Чемпионлар лигасининг чорак финалига чиққан.
Яна 4та йўлланма қуйидаги жуфтликлар орқали аниқланади.
«Манчестер Сити» - «Реал» (дастлабки ўйин - 2:1),
«Бавария» - «Челси» (дастлабки ўйин - 3:0),
«Ювентус» - «Лион» (дастлабки ўйин - 0:1),
«Барселона» - «Наполи» (дастлабки ўйин - 1:1).
Европа лигасининг қолган қисми қандай форматда, қачон ўтказилиши ҳозирча аниқ эмас.
