«Yuventus» darvozaboni Janluidji Buffon Italiyada futbol mavsumi qayta boshlanishi arafasida o‘z fikrini bildirib o‘tdi.

«Futbolning qaytishi — butun Italiya uchun muhim qadam. Normal hayotga qaytish esa mo‘jizaviy hissiyot. Bizning mamlakatda futbol fuqarolarning kayfiyatiga ta’sir ko‘rsatadi. Bu barcha uchun qiyin palla bo‘ldi. Hech kim bunday rejimga tayyor emas edi. Mavhumlik barchaga bosim o‘tkazdi.

Faoliyatim davomida ko‘p sovrinlarni qo‘lga kiritganman. «Yuventus»ning tarixi davom etmoqda. Yangi g‘alabalarni qo‘lga kiritish uchun qo‘ldan kelgan barcha ishni qilishga tayyorman. Italiya kubogidagi g‘alabalar soni bo‘yicha Roberto Manchinining rekordini takrorlashni istayman», — dedi Buffon "Football Italia"ga bergan intervyusida.