Superliganing 4-turida "Bunyodkor" o‘z maydonida "Qo‘qon-1912"ni qabul qilib, 1:0 hisobida g‘alaba qozondi. O‘yindan keyin "qaldirg‘ochlar" yarim himoyachisi Jasur Jaloliddinov quyidagi fikrlarni bildirib o‘tdi.
"3 oy tanaffusdan keyin ilk rasmiy o‘yinimizni o‘tkazdik. To‘g‘risini aytsam, juda ham qiyin bo‘ldi, lekin maydonga qaytganimizdan mamnunmiz. Uzoq tanaffusdan keyin yana g‘alaba qozondik, bu quvonarli. G‘alaba shukuhini sog‘ingan edik. Bugungi uyin uchun tuzgan rejalarimiz amalga oshdi desam adashmagan bo‘laman, chunki o‘yinni to‘liq nazorat qildik.
Muxlislarsiz futbol? Bugungi o‘yin o‘z maydonimizda bo‘lganligi uchun deyarli bilinmadi. Sababi o‘zi shundoq ham "Bunyodkor"ning uy o‘yinlariga kam muxlis kiradi. Menimcha, muxlisslarning yo‘qligi safardagi o‘yinlarda bilinsa kerak"
Moskvaning "Lokomotiv" klubidan bo‘layotgan qiziqishlar haqida
"Hozir muzokaralar davom etmoqda. Oxiri nima bilan tugashi o‘zimga ham qiziq. Agar barchasi ijobiy hal bo‘lsa RPLga yo‘l olaman", -dedi Jasur saytimiz uchun bergan intervyusida.
