Суперлиганинг 4-турида "Бунёдкор" ўз майдонида "Қўқон-1912"ни қабул қилиб, 1:0 ҳисобида ғалаба қозонди. Ўйиндан кейин "қалдирғочлар" ярим ҳимоячиси Жасур Жалолиддинов қуйидаги фикрларни билдириб ўтди.
"3 ой танаффусдан кейин илк расмий ўйинимизни ўтказдик. Тўғрисини айтсам, жуда ҳам қийин бўлди, лекин майдонга қайтганимиздан мамнунмиз. Узоқ танаффусдан кейин яна ғалаба қозондик, бу қувонарли. Ғалаба шукуҳини соғинган эдик. Бугунги уйин учун тузган режаларимиз амалга ошди десам адашмаган бўламан, чунки ўйинни тўлиқ назорат қилдик.
Мухлисларсиз футбол? Бугунги ўйин ўз майдонимизда бўлганлиги учун деярли билинмади. Сабаби ўзи шундоқ ҳам "Бунёдкор"нинг уй ўйинларига кам мухлис киради. Менимча, мухлиссларнинг йўқлиги сафардаги ўйинларда билинса керак"
Москванинг "Локомотив" клубидан бўлаётган қизиқишлар ҳақида
"Ҳозир музокаралар давом этмоқда. Охири нима билан тугаши ўзимга ҳам қизиқ. Агар барчаси ижобий ҳал бўлса РПЛга йўл оламан", -деди Жасур сайтимиз учун берган интервьюсида.
