«Navbahor» bosh murabbiyi Andrey Kanchelskis «Bunyodkor» yarim himoyachisi Jasur Jaloliddinovning Moskvaning «Lokomotiv»ga o‘tishi ehtimoli haqida fikr bildirdi.

«Ushbu futbolchini bizga ham tavsiya etilgan edi. Lekin biz 18 yoshli futbolchi uchun buncha pul to‘lay olmaymiz. Jaloliddinov uchun 300 ming yevro so‘rashdi. Bu haddan tashqari ko‘p. O‘ylashimcha, O‘zbekiston chempionati saviyasi hali o‘smadi. U hali o‘sishi va jismonan baquvvatlashishi kerak. Hozir Jasurning Rossiya chempionatiga moslashib ketishi qiyin bo‘ladi. Uning bo‘yi baland emas, ammo oyoqlari tezkor va futbol intellekti yuqori. Avvallari qanotlardan hujumga o‘tar edi. Jamoasining asosiy tarkibida o‘ynashda davom etmoqda. Yomon yigit emas, u hali O‘zbekiston chempionatida o‘ynashi kerak.

O‘z iqtidori bo‘yicha Yevropaning kuchli 60 nafari yosh futbolchilari safiga kiradimi? Biror narsa deya olmayman. Uning bir nechta o‘yinlarini ko‘rdim. U Italiya klubiga ko‘rikka borib keldi. Xorij klubiga yo‘l olishi uchun hali erta deb o‘ylayman. Uning atrofida haddan tashqari ko‘p gaplar bo‘lmoqda. Hozir «Lokomotiv»ning yangi rejalari bor, lekin qandayligini bilmayman. Ammo ularga bu futbolchi qiziqarli bo‘lsa, uning transferi uchun aniq pul topishadi», — dedi Kanchelskis "RB-Sport" nashriga bergan intervyusida.