«Навбаҳор» бош мураббийи Андрей Канчельскис «Бунёдкор» ярим ҳимоячиси Жасур Жалолиддиновнинг Москванинг «Локомотив»га ўтиши эҳтимоли ҳақида фикр билдирди.

«Ушбу футболчини бизга ҳам тавсия этилган эди. Лекин биз 18 ёшли футболчи учун бунча пул тўлай олмаймиз. Жалолиддинов учун 300 минг евро сўрашди. Бу ҳаддан ташқари кўп. Ўйлашимча, Ўзбекистон чемпионати савияси ҳали ўсмади. У ҳали ўсиши ва жисмонан бақувватлашиши керак. Ҳозир Жасурнинг Россия чемпионатига мослашиб кетиши қийин бўлади. Унинг бўйи баланд эмас, аммо оёқлари тезкор ва футбол интеллекти юқори. Авваллари қанотлардан ҳужумга ўтар эди. Жамоасининг асосий таркибида ўйнашда давом этмоқда. Ёмон йигит эмас, у ҳали Ўзбекистон чемпионатида ўйнаши керак.

Ўз иқтидори бўйича Европанинг кучли 60 нафари ёш футболчилари сафига кирадими? Бирор нарса дея олмайман. Унинг бир нечта ўйинларини кўрдим. У Италия клубига кўрикка бориб келди. Хориж клубига йўл олиши учун ҳали эрта деб ўйлайман. Унинг атрофида ҳаддан ташқари кўп гаплар бўлмоқда. Ҳозир «Локомотив»нинг янги режалари бор, лекин қандайлигини билмайман. Аммо уларга бу футболчи қизиқарли бўлса, унинг трансфери учун аниқ пул топишади», — деди Канчельскис "РБ-Спорт" нашрига берган интервьюсида.