«Bavariya» bosh murabbiyi Xans-Diter Flik Germaniya chempionatining 32-turi doirasida bo‘ladigan «Verder»ga qarshi o‘yin oldidan o‘z fikrlarini bildirib o‘tdi.

Mavsum tugashiga 3 tur qolganida myunxenliklar 2-o‘rindagi «Borussiya Dortmund»dan 7 ochko oldinda borishmoqda. Bugungi uchrashuvdagi g‘alaba «Bavariya»ga chempionlikni taqdim etadi.

«Bremenda ham avvalgi o‘yinlardagidek faol o‘ynamoqchimiz. Biz 3 ochkoni qo‘lga kiritishni istaymiz. Bunday holatda biz chempionga aylanamiz. Shuning uchun g‘alaba ikki karra yoqimli bo‘ladi.

«Verder» futbolchilari bo‘sh hududlarni yopishga harakat qilishadi. Ularning ixtiyorida tezkor o‘yinlar borligi uchun ular qarshi hujumga o‘tishni bilishadi. Dekabr oyida biz buni ko‘rgandim. So‘nggi bahs ko‘rsatdiki, ularning qarshi hujumi yuqori saviyada. Lekin biz o‘z o‘yinimizga ahamiyat beramiz va sovg‘alar tarqatishni istamaymiz. Seshanba kuni biz o‘z oldimizga qo‘ygan maqsadga erishishni xohlaymiz. Barchasi o‘z qo‘limizda», — dedi Flik.

«Verder» — «Bavariya» uchrashuvi 16 iyun kuni Toshkent vaqti bilan 23:30da boshlanadi.