«Бавария» бош мураббийи Ханс-Дитер Флик Германия чемпионатининг 32-тури доирасида бўладиган «Вердер»га қарши ўйин олдидан ўз фикрларини билдириб ўтди.

Мавсум тугашига 3 тур қолганида мюнхенликлар 2-ўриндаги «Боруссия Дортмунд»дан 7 очко олдинда боришмоқда. Бугунги учрашувдаги ғалаба «Бавария»га чемпионликни тақдим этади.

«Бременда ҳам аввалги ўйинлардагидек фаол ўйнамоқчимиз. Биз 3 очкони қўлга киритишни истаймиз. Бундай ҳолатда биз чемпионга айланамиз. Шунинг учун ғалаба икки карра ёқимли бўлади.

«Вердер» футболчилари бўш ҳудудларни ёпишга ҳаракат қилишади. Уларнинг ихтиёрида тезкор ўйинлар борлиги учун улар қарши ҳужумга ўтишни билишади. Декабрь ойида биз буни кўргандим. Сўнгги баҳс кўрсатдики, уларнинг қарши ҳужуми юқори савияда. Лекин биз ўз ўйинимизга аҳамият берамиз ва совғалар тарқатишни истамаймиз. Сешанба куни биз ўз олдимизга қўйган мақсадга эришишни хоҳлаймиз. Барчаси ўз қўлимизда», — деди Флик.

«Вердер» — «Бавария» учрашуви 16 июнь куни Тошкент вақти билан 23:30да бошланади.