Avvalroq Rossiya matbuotida «Rostov» klubining 6 nafar futbolchisi: Roman Yeremenko, Dennis Xajikadunich, Xoren Bayramyan, Matias Normann, Ivelin Popov va Arseniy Logashovlar koronavirus yuqtirib olganligi haqida xabarlar tarqalgandi.
«Rostov» klubi rasmiy sayti jamoa futbolchilarining koronavirusga topshirgan testi musbat natija berganligi va klub karantinga olinishini rasman tasdiqladi.
«Rossiya Premyer-ligasi 23-turi doirasidagi «Sochi» — «Rostov» uchrashuvi oldidan jamoamiz futbolchilari, murabbiylar shtabi va klub xodimlarining COVID-19ga topshirgan testi natijasiga ko‘ra, tarkibdagi 6 nafar futbolchining testi ijobiy natija bergani aniqlandi. Ushbu futbolchilar alohida nazoratga olindi.
Kasallanganlar bilan yaqin aloqada bo‘lgan jamoaning futbolchilari, murabbiylari – jami 42 nafar a’zosi ikki haftalik karantinga olindi", - deyiladi klub xabarida.
