Аввалроқ Россия матбуотида «Ростов» клубининг 6 нафар футболчиси: Роман Еременко, Деннис Хажикадунич, Хорен Байрамян, Матиас Норманн, Ивелин Попов ва Арсений Логашовлар коронавирус юқтириб олганлиги ҳақида хабарлар тарқалганди.
«Ростов» клуби расмий сайти жамоа футболчиларининг коронавирусга топширган тести мусбат натижа берганлиги ва клуб карантинга олинишини расман тасдиқлади.
«Россия Премьер-лигаси 23-тури доирасидаги «Сочи» — «Ростов» учрашуви олдидан жамоамиз футболчилари, мураббийлар штаби ва клуб ходимларининг COVID-19га топширган тести натижасига кўра, таркибдаги 6 нафар футболчининг тести ижобий натижа бергани аниқланди. Ушбу футболчилар алоҳида назоратга олинди.
Касалланганлар билан яқин алоқада бўлган жамоанинг футболчилари, мураббийлари – жами 42 нафар аъзоси икки ҳафталик карантинга олинди", - дейилади клуб хабарида.
