Italiya chempionatining 25-turi doirasida «Inter» o‘z uyida "Sampdoriya"ni qabul qilib, g‘alabani qo‘lga kiritdi.

Uchrashuvning birinchi bo‘limi mezbonlar uchun omadli keldi. Bahsning 12-daqiqasida uyushtirilgan chiroyli kombinasiyani Romelu Lukaku muvaffaqiyatli yakunlagan bo‘lsa, 33-daqiqada Lautaro Martines hisobdagi farqni ikkitaga oshirdi.

Ikkinchi bo‘lim boshida esa "Sampdoriya" Torsbyuning goli evaziga hisobdagi farqni bittaga qisqartirdi. Mehmonlar bu o‘yinda durangni ham qo‘lga kiritishlari mumkin edi. Ammo 78-daqiqada Nikola Murru jarima maydoni tashqarisidan biroz noaniq zarba berdi.

Mazkur g‘alaba evaziga "Inter" o‘z ochkolarini 57taga yetkazib oldi.

Italiya chempionati, 25-tur
Inter – Sampdoriya 2:1 (2:0)
Gollar: 1:0 – 10 Lukaku, 2:0 – 33 Martines, 2:1 – 52 Torsbyu.
Inter – Xandanovich, Shkrinyar, de Vrey, Bastoni, Yang (Biragi, 73), Galyardini, Barella, Kandreva (Mozes, 73), Eriksen (Valero, 78), Martines (Sanches, 83), Lukaku.
Sampdoriya – Audero, Bereshinski, Murru, Kolli, Yosida, Linetti (Ronaldu Viyeyra, 81), Bertolachchi (Askildsen, 82), Torsbyu, Ramires (Depaoli, 69), Yankto (Leris, 69), la Gumina (Bonassoli, 76).
Ogohlantirishlar: Bertolachchi (22), Martines (48), Torsbyu (64), Valero (86), Galyardini (90), Ronaldu Viyeyra (90).