Италия чемпионатининг 25-тури доирасида «Интер» ўз уйида "Сампдория"ни қабул қилиб, ғалабани қўлга киритди.

Учрашувнинг биринчи бўлими мезбонлар учун омадли келди. Баҳснинг 12-дақиқасида уюштирилган чиройли комбинацияни Ромелу Лукаку муваффақиятли якунлаган бўлса, 33-дақиқада Лаутаро Мартинес ҳисобдаги фарқни иккитага оширди.

Иккинчи бўлим бошида эса "Сампдория" Торсбюнинг голи эвазига ҳисобдаги фарқни биттага қисқартирди. Меҳмонлар бу ўйинда дурангни ҳам қўлга киритишлари мумкин эди. Аммо 78-дақиқада Никола Мурру жарима майдони ташқарисидан бироз ноаниқ зарба берди.

Мазкур ғалаба эвазига "Интер" ўз очколарини 57тага етказиб олди.

Италия чемпионати, 25-тур
Интер – Сампдория 2:1 (2:0)
Голлар: 1:0 – 10 Лукаку, 2:0 – 33 Мартинес, 2:1 – 52 Торсбю.
Интер – Ханданович, Шкриньяр, де Врей, Бастони, Янг (Бираги, 73), Гальярдини, Барелла, Кандрева (Мозес, 73), Эриксен (Валеро, 78), Мартинес (Санчес, 83), Лукаку.
Сампдория – Аудеро, Берешиньски, Мурру, Колли, Йосида, Линетти (Роналду Виейра, 81), Бертолаччи (Аскильдсен, 82), Торсбю, Рамирес (Депаоли, 69), Янкто (Лерис, 69), ла Гумина (Бонаццоли, 76).
Огоҳлантиришлар: Бертолаччи (22), Мартинес (48), Торсбю (64), Валеро (86), Гальярдини (90), Роналду Виейра (90).