Italiya A seriyasining 27-turi doirasidagi markaziy o‘yin «Atalanta» va «Lasio» jamoalari o‘rtasida bo‘lib o‘tdi.

Uchrashuvning 11-daqiqasiga kelib rimliklar 2ta to‘p farqi bilan oldinga o‘tib olishdi: dastlab de Ron o‘z darvozasini ishg‘ol qilib qo‘ygan bo‘lsa, Milinkovich-Savich hisobdagi farqni oshirdi.

Bergamoliklar tanaffusga qadar Gosensning goliga evaziga farqni bittaga qisqartirishdi. Ikkinchi bo‘limda Malinovskiy muvoznatni tikladi. O‘yin tugashiga 10 daqiqa qolganida esa Palomino "Atalanta"ga g‘alaba keltiruvchi gol muallifiga aylandi.

Mazkur g‘alaba tufayli "Atalanta" o‘z ochkolarini 54taga yetkazdi hamda 4-pog‘onada bormoqda. "Lasio" esa endi peshqadam "Yuventus"dan 4 ochko ortda qolmoqda.

Italiya A seriyasi, 27-tur
Atalanta – Lasio 3:2 (1:2, 2:0)
Gollar: 0:1 – 5, avtogol de Ron, 0:2 – 11 Milinkovich-Savich, 1:2 – 38 Gosens, 2:2 – 66 Malinovskiy, 3:2 – 80 Palomino.
Atalanta – Gollini, Gosens (Kastan, 70), Gimshiti, Palomino, Xatebur, de Ron, Malinovskiy (Ilichich, 77), Gomes, Froyler, Toloi, Sapata (Muriel, 70).
Lasio – Strakosha, Gabarron, Radu (Bashtush, 77), Acherbi, Lassari, Kataldi (Parolo, 60), Luis Alberto (Anderson, 77), Korrea (Kaysedo, 55), Milinkovich-Savich, Xoni Rodriges (Lukaku, 76), Immobile.
Ogohlantirishlar: Toloi (52), de Ron (56), Milinkovich-Savich (72), Gabarron (85).