Coca Cola superligasi 6-tur doirasidagi "Qo‘qon-1912" - "Surxon" uchrashuvdan keyingi matbuot anjumanining birinchi qismida mehmonlar bosh murabbiyi Bahrom Haydarov ishtirok etdi.

"Uchrashuvdan uchrashuvga jamoamizning o‘yini kuchayib borishi kerak. Maydonda bugun ikki teng kuchga ega bo‘lgan jamoalar harakat qildi, deb o‘ylayman birinchi bo‘limda. Bugun kim birinchi bo‘lib gol ursa o‘sha jamoa g‘alaba qozonishi ko‘rinib turgandi. Bu narsaga Qo‘qonliklar erishishdi va maydon egalari g‘alaba qoznishdi. Birinchi gol rejalarimizni o‘zgartirib yubordi.

Superligada har bir bahsda g‘alaba qozonishimiz mumkin. Bizda ikkita teng kuchli tarkibimiz bor. Hamma o‘z maydonida g‘alaba qozonishni o‘ylaydi. “Paxtakor” bilan o‘yinda ham yaxshi natijaga erishishni istaymiz. Mag‘lubiyatga uchrayotganimizga qandaydir sabablar bordir. Lekin jamoamiz kerakli ochkolarni olishiga ishonaman.

Aziz Ibragimovni ikkita o‘yinda maydonga tushirdik. Oldingi bahslarda uni zaxiradan maydonga tushirgandik. Bugun yoshlar ligasida o‘zini ko‘rsatayotgan yosh futbolchini maydonga tushirishga qaror qildik. Shuning uchun Aziz Ibragimov maydonga tusha olmadi", — dedi Haydarov.