O‘zbekiston chempionati 6-turida doirasida «Paxtakor» klubi «Qizilqum» mehmoni bo‘ldi va ishonchli g‘alabani qo‘lga kiritdi.

Uchrashuvning dastlabki bo‘limida hisob ochilmadi. Ikkinchi bo‘lim debyutida Doston Hamdamov «sherlar»ni oldinga olib chiqdi. 74-daqiqada Jaloliddin Masharipovning burchakdan uzatib bergan to‘pini Eren Derdiyo‘q boshi bilan darvozaga joylab qo‘ydi.

Mazkur g‘alabadan so‘ng ochkolarini 15 taga yetkazib olgan «Paxtakor» birinchi o‘ringa qaytdi. «Qizilqum» esa Tachmurod Agamurodov bosh murabbiy etib tayinlanganidan keyin ketma-ket uchinchi o‘yinda yutqazdi. Jamoa 1 ochko bilan 13-pog‘onada bormoqda.

Superliga, 6-tur bahsi
«Qizilqum» — «Paxtakor» 0:2
Gollar: 0:1 – 47 Hamdamov, 0:2 – 74 Derdiyo‘q.
«Qizilqum»: Artyom Makosin, Ruslan Margiyev, Alisher Sanoyev, Qadamboy Nurmetov, Fayzullo Qambarov, Salim Mustafoyev, Sherali Jo‘rayev, Aziz Usmonov, Makkartni Naveseb, Oleg Tolmasov, Sunnatilla Abdullajonov.
«Paxtakor»: Eldorbek Suyunov, Hojiakbar Alijonov, Anzur Ismoilov, Jaloliddin Masharipov, Dragan Cheran, Dostonbek Hamdamov (Javohir Sidiqov, 83), Odiljon Hamrobekov, Sherzod A’zamov, Sardor Sobirxo‘jayev (Abror Ismoilov, 83), Farruh Sayfiyev (Akrom Komilov, 90), Eren Derdiyo‘q (Igor Sergeev, 83).
Ogohlantirish: Jo‘rayev (42).