Rossiya chempionatining 25-turi doirasida markaziy o‘yin bo‘lib o‘tdi. Yevropa chempionlar ligasi yo‘llanmasi uchun kurash olib borayotgan "Rostov" va "Krasnodar" klublari o‘zaro to‘qnash kelishdi.

Krasnodarliklar tezkor gol urishga muvaffaq bo‘lishdi. Uchrashuvning 13-daqiqasida Markus Berg yaqin masofadan "Rostov" darvozasini ishg‘ol qildi.

Tanaffusga qadar hududiy ustunlik mehmonlar tomonida bo‘lgani uchun Karpin shogirdlari hisobni tenglashtirish uchun xavfli vaziyat yarata olishmadi.

Shomurodovning o‘rniga zaxiradan maydonga tushgan mezbonlar futbolchisi Dolgov o‘yin tugashiga 10 daqiqa qolganida yaqin masofadan bo‘sh qolgan darvozaga aniq zarba bera olmadi.

Uchrashuvdagi dramatizm qo‘shib berilgan daqiqalarda davom etdi. Hakam ikkinchi bo‘limga 6 daqiqa qo‘shib berdi, ammo o‘yin 20 daqiqa davom etdi. Bu vaqt davomida hakam 2 marta VAR bilan maslahatlashdi. Ayniqsa, ikkinchi maslahatlashuv kamida 5-6 daqiqa davom etdi. Natijada "Krasnodar" darvozasi tomon bahsli penalti belgilandi. Ivelin Popov undan samarali foydalanib, hisobni tenglashtirdi.

Shu tariqa, "Krasnodar" o‘z ochkolarini 45 ochko bilan 4-pog‘onadagi "Rostov"dan 3 ochkolik farqni saqlab qoldi. Krasnodarliklar hisobida bitta zaxira o‘yini mavjud.

Rossiya chempionati, 25-tur
Rostov – Krasnodar 1:1 (0:1, 1:0)
Gollar: 0:1 – 13 Berg, 1:1 – 90+11, penalti Popov.
Rostov – Pesyakov, Chernov, Osipenko, Chistyakov, Bayramyan (Xadjikadunich, 62), Zaynutdinov (Vedernikov, 87), Saplinov (Popov, 72), Glebov (Normann, 71), Ionov, Mamayev, Shomurodov (Dolgov, 62).
Krasnodar – Safonov, Martinovich, Petrov, Ramires, Pantaleao, Vanderson (Fernandesh, 75), Olsson (Kabella, 75), Gazinskiy (Chernikov, 64), Utkin (Suleymanov, 57), Vilyena, Berg.
Ogohlantirishlar: Shomurodov (59), Saplinov (65), Mamayev (65), Zaynutdinov (68), Chernikov (79), Safonov (89), Suleymanov (90), Fernandesh (90), Dolgov (90).