Россия чемпионатининг 25-тури доирасида марказий ўйин бўлиб ўтди. Европа чемпионлар лигаси йўлланмаси учун кураш олиб бораётган "Ростов" ва "Краснодар" клублари ўзаро тўқнаш келишди.

Краснодарликлар тезкор гол уришга муваффақ бўлишди. Учрашувнинг 13-дақиқасида Маркус Берг яқин масофадан "Ростов" дарвозасини ишғол қилди.

Танаффусга қадар ҳудудий устунлик меҳмонлар томонида бўлгани учун Карпин шогирдлари ҳисобни тенглаштириш учун хавфли вазият ярата олишмади.

Шомуродовнинг ўрнига захирадан майдонга тушган мезбонлар футболчиси Долгов ўйин тугашига 10 дақиқа қолганида яқин масофадан бўш қолган дарвозага аниқ зарба бера олмади.

Учрашувдаги драматизм қўшиб берилган дақиқаларда давом этди. Ҳакам иккинчи бўлимга 6 дақиқа қўшиб берди, аммо ўйин 20 дақиқа давом этди. Бу вақт давомида ҳакам 2 марта VAR билан маслаҳатлашди. Айниқса, иккинчи маслаҳатлашув камида 5-6 дақиқа давом этди. Натижада "Краснодар" дарвозаси томон баҳсли пенальти белгиланди. Ивелин Попов ундан самарали фойдаланиб, ҳисобни тенглаштирди.

Шу тариқа, "Краснодар" ўз очколарини 45 очко билан 4-поғонадаги "Ростов"дан 3 очколик фарқни сақлаб қолди. Краснодарликлар ҳисобида битта захира ўйини мавжуд.

Россия чемпионати, 25-тур
Ростов – Краснодар 1:1 (0:1, 1:0)
Голлар: 0:1 – 13 Берг, 1:1 – 90+11, пенальти Попов.
Ростов – Песьяков, Чернов, Осипенко, Чистяков, Байрамян (Хаджикадунич, 62), Зайнутдинов (Ведерников, 87), Саплинов (Попов, 72), Глебов (Норманн, 71), Ионов, Мамаев, Шомуродов (Долгов, 62).
Краснодар – Сафонов, Мартынович, Петров, Рамирес, Панталеао, Вандерсон (Фернандеш, 75), Ольссон (Кабелла, 75), Газинский (Черников, 64), Уткин (Сулейманов, 57), Вильена, Берг.
Огоҳлантиришлар: Шомуродов (59), Саплинов (65), Мамаев (65), Зайнутдинов (68), Черников (79), Сафонов (89), Сулейманов (90), Фернандеш (90), Долгов (90).