Uzoq vaqt davom etgan muzokaralardan so‘ng, "Surxon" futbol klubi yangi bosh murabbiy bilan kelishuvga erishdi. O‘zbek futbol muhlislari uchun yaxshi tanish bo‘lgan tajribali murabbiy Ravshan Haydarov rasman "Surxon" futbol klubi bosh murabbiyi etib tayinlandi.

Ravshan Akmalovich faoliyati davomida "Paxtakor" jamoasi bilan bir necha bora O‘zbekiston chempioni va kubogini qo‘lga kiritgan. Uzoq yillar davomida O‘zbekiston milliy va olimpiya terma jamoalarini boshqargan. 2018 yili O‘zbekiston olimpiya terma jamoasi bilan Osiyo kubogi g‘olibligini qo‘lga kiritgan va shu yili O‘zbekistonning eng yaxshi murabbiyi unvonini qo‘lga kiritgan.

Ravshan Akmalovich bugungi kunda O‘zbekiston (U-23) yoshlar terma jamoasi bosh murabbiyi ham hisoblanadi.

Biz ishonamizki, Ravshan Haydarov o‘ziga bildirilgan ishonchni oqlab, Surxondaryo futboli ravnaqiga ham o‘z hissasini qo‘shadi.