Superliganing 8-turida «So‘g‘diyona» jamoasi o‘z maydonida «Buxoro» bilan kuch sinashadi.

So‘g‘diyona (Jizzax) – Buxoro (Buxoro)
7 iyul 2020. soat 20:00
Jizzax. «So‘g‘diyona» markaziy o‘yingohi.
Hakamlar: Firdavs Norsafarov, Timur Galeev, Doniyor Saylavov, Komil Rasulov
Nazoratchi: Sayfiddin Ermatov
Komissar: Zohirjon Akramxonov

Bu ikki klubning yo‘llari oliy liga o‘yinlarida 48 bor kesishgan. Natijalar «Buxoro»ning kichik ustunligini ko‘rsatmoqda. Jamoa hisobida 23 ta g‘alaba bor, «So‘g‘diyona» esa 18 marta g‘olib chiqqan. 7 ta uchrashuvda g‘olib aniqlanmagan. To‘plar nisbati «Buxoro» foydasiga. Jizzax klubi shu kunga qadar o‘zaro o‘yinlarda 64 ta gol kiritib o‘z darvozasidan 66 marta to‘p olib chiqqaan. O‘zaro o‘yinlarda «Buxoro» 76, «So‘g‘diyona» 61 ochkoni qo‘lga kiritgan.

«Buxoro» Superligada «So‘g‘diyona» ustidan 4:1 hisobida g‘alaba qozongan. Bu o‘zaro o‘yinlardagi buxoroliklarning eng yirik hisobidir. «So‘g‘diyona»ning o‘zaro o‘yinlardagi «Buxoro» ustidan erishgan eng yirik g‘alabasi esa 6:2 bo‘lib turibdi.

O‘tgan mavsumda ikkinchi davraning o‘n yettinchi turida «Buxoro» o‘z maydonida Bo‘rilar bilan kechgan bahsda durang natijaga erishgan. Bahsning 70 daqiqasida Fatxulla Fatxullayev hisobni ochgan (1-0)m 82 daqiqada esa Shoxruz Norxonov hisobni tenglashirgan edi (1-1).

«So‘g‘diyona» maydonida o‘tgan so‘nggi besh uchrashuv:

26.05.2019 So‘g‘diyona - Buxoro 2:0
12.07.2018 So‘g‘diyona - Buxoro 3:0
25.06.2017 So‘g‘diyona - Buxoro 1:2
21.06.2016 So‘g‘diyona - Buxoro 0-0
20.11.2015 So‘g‘diyona - Buxoro 2:3

O‘zaro o‘yinlar haqida fakt: «So‘g‘diyona» o‘z maydonida 11 marta g‘alabaga erishgan va 2 marta durang o‘ynagan. Qolgan 7ta bahsda «Buxoro» safarda muvaffaqiyatga erishgan.

"So‘g‘diyona" matbuot xizmati.