Суперлиганинг 8-турида «Сўғдиёна» жамоаси ўз майдонида «Бухоро» билан куч синашади.

Сўғдиёна (Жиззах) – Бухоро (Бухоро)
7 июль 2020. соат 20:00
Жиззах. «Сўғдиёна» марказий ўйингоҳи.
Ҳакамлар: Фирдавс Норсафаров, Тимур Галеев, Дониёр Сайлавов, Комил Расулов
Назоратчи: Сайфиддин Эрматов
Комиссар: Зоҳиржон Акрамхонов

Бу икки клубнинг йўллари олий лига ўйинларида 48 бор кесишган. Натижалар «Бухоро»нинг кичик устунлигини кўрсатмоқда. Жамоа ҳисобида 23 та ғалаба бор, «Сўғдиёна» эса 18 марта ғолиб чиққан. 7 та учрашувда ғолиб аниқланмаган. Тўплар нисбати «Бухоро» фойдасига. Жиззах клуби шу кунга қадар ўзаро ўйинларда 64 та гол киритиб ўз дарвозасидан 66 марта тўп олиб чиққаан. Ўзаро ўйинларда «Бухоро» 76, «Сўғдиёна» 61 очкони қўлга киритган.

«Бухоро» Суперлигада «Сўғдиёна» устидан 4:1 ҳисобида ғалаба қозонган. Бу ўзаро ўйинлардаги бухороликларнинг энг йирик ҳисобидир. «Сўғдиёна»нинг ўзаро ўйинлардаги «Бухоро» устидан эришган энг йирик ғалабаси эса 6:2 бўлиб турибди.

Ўтган мавсумда иккинчи давранинг ўн еттинчи турида «Бухоро» ўз майдонида Бўрилар билан кечган баҳсда дуранг натижага эришган. Баҳснинг 70 дақиқасида Фатхулла Фатхуллаев ҳисобни очган (1-0)м 82 дақиқада эса Шохруз Норхонов ҳисобни тенглаширган эди (1-1).

«Сўғдиёна» майдонида ўтган сўнгги беш учрашув:

26.05.2019 Сўғдиёна - Бухоро 2:0
12.07.2018 Сўғдиёна - Бухоро 3:0
25.06.2017 Сўғдиёна - Бухоро 1:2
21.06.2016 Сўғдиёна - Бухоро 0-0
20.11.2015 Сўғдиёна - Бухоро 2:3

Ўзаро ўйинлар ҳақида факт: «Сўғдиёна» ўз майдонида 11 марта ғалабага эришган ва 2 марта дуранг ўйнаган. Қолган 7та баҳсда «Бухоро» сафарда муваффақиятга эришган.

"Сўғдиёна" матбуот хизмати.