Italiya chempionatining 31-turidan o‘rin olgan 2ta uchrashuv bo‘lib o‘tdi.

«Napoli» safarda «Jenoa» klubi mehmoni bo‘lib, 3 ochko bilan ortga qaytadigan bo‘ldi. Birinchi bo‘lim tugash arafasida Dris Mertens hisobni ochgan bo‘lsa, ikkinchi taym avvalida Goldaniga muvozanatni tikladi.

Ikkinchi taym o‘rtalarida esa Irving Losano "Napoli"ga g‘alaba keltiruvchi gol muallifiga aylandi. Gattuzo shogirdlari o‘yin oxiriga qadar hisobni saqlab qolishga muvaffaq bo‘lishdi.

Ushbu g‘alaba evaziga "Napoli" jadvalda "Milan"ni quvib o‘tib, yana 5-o‘ringa qaytdi.

Italiya A seriyasi, 31-tur
Fiorentina – Kalyari 0:0 (0:0, 0:0)
Fiorentina – Drongovski, Lirola (Dalbert, 59), Chekkerini, Kaseres, Venuti, Riberi (Kutrone, 75), Badel (Pulgar, 60), Kyeza (Gezzal, 46), Dankan, Milenkovich, Vlaxovich (Kuame, 75).
Kalyari – Kranyo, Valyukevich, Likoyannis, Mattyello, Klavan, Nainggolan, Rog (Ionise, 63), Birsa (Farago, 79), Nandes, Joao Pedro (Ragatsu, 63), Simeone.
Ogohlantirishlar: Kyeza (9), Mattyello (71), Dankan (80), Likoyannis (90).

Jenoa – Napoli 1:2 (0:1, 1:1)
Gollar: 0:1 – 45 Mertens, 1:1 – 49 Goldaniga, 1:2 – 66 Losano.
Jenoa – Perin, Biraski (Gilyone, 82), Goldaniga, Sapata, Barreka, Kassata (Yago Falke, 70), Bexrami (Lerager, 64), Shene, Masyello, Sanabriya (Pandev, 71), Pinamonti (Favilli, 82).
Napoli – Meret, Xyusay, Maksimovich, Manolas, Mariu Ruy, Fabian Ruis (Allan, 87), Lobotka, Insinye (Yunes, 82), Elmaz (Zelinski, 82), Politano (Losano, 64), Mertens (Milik, 64).
Ogohlantirish: Goldaniga (71).