UEFA Ijroqo‘mi Yevropa chempionlar ligasi va Yevropa ligasi nimchorak finalining javob o‘yinlari o‘tkaziladigan joy masalasida qaror qabul qildi.

Demak, yevrokuboklarning 1/8 final bosqichining javob o‘yini qabul qiluvchi jamoa maydonida o‘tkaziladigan bo‘ldi.

Chchempionlar ligasi, nimchorak final bosqichi javob o‘yinlari (7-8 avgust):

«Yuventus» — «Lion» (0:1)
«Manchester Siti» — «Real» (2:1)
«Bavariya» — «Chelsi» (3:0)
«Barselona» — «Napoli» (1:1)

«PSJ», «Atletiko», «RB Leypsig» va «Atalanta» klublari chorak final yo‘llanmasini qo‘lga kiritib bo‘lishgan. Chorak final, yarim final va final o‘yinlari "sakkiz finalchi" formatida Lissabonda o‘tkaziladi. Har bir bosqich bitta uchrashuvdan iborat bo‘ladi.

Yevropa ligasining chorak final, yarim final va final uchrashuvlari avgust oyida shunday formatda Germaniyaning 4ta shahri — Kyoln, Duysburg, Dyusseldorf va Gelzenkirxenda o‘tkaziladi.

Nimchorak final bosqichidan o‘rin olgan «Inter» — «Xetafe» va «Sevilya» — «Roma» juftliklari g‘olibi Germaniyada o‘tkaziladigan bitta o‘yinda aniqlanadi.

Yevropa ligasi, 1/8 final o‘yinlari (5-6 avgust)

Javob o‘yinlari nominal mezbon maydonida o‘tkaziladi:

«Shaxtyor» — «Volfsburg» (2:1)
«Bayer» — «Reynjers» (3:1)
«Vulverxempton» — «Olimpiakos» (1:1)
«Manchester Yunayted» — LASK (5:0)
«Bazel» — «Ayntraxt» (3:0)
«Kopengagen» — «Istanbul Bashakshehir» (0:1)

Germaniyadagi bitta uchrashuvda aniqlanadi:

«Xetafe» — «Inter»
«Roma» — «Sevilya»