Shzbekiston chempionatining 9-tur uchrashuvini o‘z maydonida o‘tkazgan “Metallurg” g‘alaba nashidasini surdi. Bekobodliklar Jizzaxning “So‘g‘diyona” jamoasi darvozasiga ikkita javobsiz gol kiritdi va muhim 3 ochkoga ega bo‘ldi.
Birinchi taym maydon egalarining katta ustunligi ostida o‘tdi. Jizzaxliklar maydon egalarining kuchli bosimiga yigirmanchi daqiqagacha dosh berishdi. 24-daqiqaga kelganda “Metallurg”ning ukrainalik legioneri Yevgeniy Chumak olisdan zarba berib, hisobni ochdi. Bu vaziyatda mehmonlar darvozabonni zarba berilishini kutmagan edi. To‘p esa darvoza ustuniga tekkan holda to‘rdan joy oldi – 1:0.
Ikkinchi bo‘limda ham maydonda ko‘rinish o‘zgarmadi. “Metallurg” o‘yin tizginini o‘z qo‘lida ushlab turdi. Ayniqsa, qanotlarning faolligi, markazda to‘p nazoratini bermaslik “Metallurg”ga ustunlikni taqdim etdi.
Uchrashuvning 62-daqiqasida Zohid Abdullayev o‘ng qanotda to‘pni raqibdan olib qo‘ydi va jarima maydoniga uzatib berdi. Shahzod Ubaydullayev himoyachini chalg‘itib to‘pni o‘tkazib yubordi. Doniyor Narzullayev esa qiyinchiliksiz darvozani ishg‘ol etdi – 2:0. Bu hisob uchrashuv oxirigacha o‘zgarmay qoldi.
Superliga. 9-tur
METALLURG – SO‘G‘DIYONA – 2:0 (1:0)
Gollar: Yevgeniy Chumak (24), Doniyor Narzullayev (62, pas – Zohid Abdullayev)
“Metallurg”: 12. Aleksandr Lobanov, 5. Abbosjon Otaxonov, 7. Doniyor Narzullayev, 10. Shahzodbek Ubaydullayev, 15. Zohid Abdullayev, 21. Kamoliddin Tojiyev, 23. Abdurahmon Abdulhaqov, 27. Ixtiyor Toshpo‘latov, 28. Stanislav Andreev, 55. Akbar Ismatullayev, 88. Yevgen Chumak.
Zahira: 1. Akmal Tursunboyev, 4. Odilbek Abdumajidov, 8. Salamat Quttiboyev, 11. Murodbek Bobojonov, 14. Abrorbek Toshqo‘ziyev, 20. Xudoyshukur Sattorov, 22. Shahzodbek G‘ofurbekov, 43. Davron Anvarov, 77. Muhammad Isayev.
“So‘g‘diyona”: 1. Shirinboy Abdullayev, 2. Sardor Qulmatov, 3. Elyor Orifov, 5. Ayubxon No‘’monov, 7. Sanjar Rashidov (s), 11. Jasur Hasanov, 17. Ivan Nagayev, 18. Shavkat Mullajonov, 19. Javohir Qahramonov, 22. Shahboz Jo‘rabekov.
Zahira: 27. Milan Mitrovich, 8. Jamshid Boltaboyev, 12. San’at Shixov, 14. Daniel Nasriddinov, 20. Bahodir Nasimov, 21. Sahob Rashidov, 30. Dian Talxatov, 80. Elivelto Ribeyro Dantas, 93. Marko Kolakovich.
