Bugun Italiya chempionatining 32-turiga yakun yasaladi. Tur doirasida «Inter» o‘z maydonida «Torino»ni qabul qilib, muhim g‘alabani qo‘lga kiritdi.

G‘alabaning muhimligi shundaki, "neradzurri" mazkur ochko tufayli 4-o‘rindan birdaniga 2-pog‘onaga ko‘tarilib olishdi. Milanliklar ochkolar (68) bo‘yicha "Lasio" bilan tenglashib olishdi, to‘plar farqi va o‘zaro o‘yindagi natijalari bo‘yicha Konte jamoasi 2-pog‘onaga chiqib oldi.

Bahsning 17-daqiqasida Belotti turinliklarni oldinga olib chiqdi. "Inter" esa ikkinchi bo‘limda o‘ziga kelib oldi. Ayniqsa, taym boshida Eshli Yang va Diyego Godin 3 daqiqa ichida bittadan gol urishib, mezbonlarni oldinga olib chiqishdi.

Oradan 10 daqiqa o‘tib Lautaro Martines jarima maydoni tashqarisidan zarba berdi. To‘p rekoshet holatida "Torino" darvozaboni ustidan oshib o‘tib, to‘rga borib tushdi.

Mazkur gol amalda o‘yin taqdirini hal qilib qo‘ydi. Yuqorida o‘tib o‘tganimizdek, "Inter" A seriya jadvalida 2-pog‘onaga ko‘tarilib oldi.

Italiya A seriyasi, 32-tur
Inter – Torino 3:1 (0:1)
Gollar: 0:1 – 17 Belotti, 1:1 – 48 Yang, 2:1 – 51 Godin, 3:1 – 61 Martines.
Inter – Xandanovich, D`Ambrozio (Biragi, 71), Bastoni, Godin (Shkrinyar, 76), Yang (Kandreva, 71), Valero, Brozovich, Sanches, Galyardini, de Vrey, Martines (Eriksen, 84).
Torino – Sirigu, Ayna, Ansaldi (Berenger, 64), Nkulu, de Silvestri (Singo, 64), Verdi (Milliko, 76), Rinkon, Isso, Meyte (Lukich, 64), Bremer, Belotti.
Ogohlantirishlar: Godin (21), Ayna (24), Meyte (30), de Silvestri (49), Brozovich (60), Sanches (62), D`Ambrozio (69), Biragi (86).