Angliyaning «Liverpul» klubi markaziy himoyachisi Virdjil van Deyk «Arsenal» klubidan qabul qilib olingan mag‘lubiyatdan keyingi fikrlari bilan o‘rtoqlashdi.
«Biz ularga golni shunchaki sovg‘a qildik. Birinchi o‘tkazib yuborilgan golgacha vaziyatni o‘z nazoratimizda ushlayotgandik, ammo, keyin ikkita qo‘pol xatoga yo‘l qo‘ydik va nazoratni qayta qo‘lga olishni uddasidan chiqmadik. Biz o‘zimiz loyiq bo‘lgan narsaga erishdik.
Bunday muhim uchrashuvlarda mag‘lubiyatga uchrash alamli, lekin hech narsani o‘zgartira olmaysan. Shu bilan birga, biz ajoyib mavsumni o‘tkazganimizni unutmaslik kerak va orzu qilgan narsamizga erishdik – Premyer-Liga chempioni bo‘ldik», - dedi Van Deyk.
