«Manchester Yunayted» darvozaboni David de Xea jamoa safida hali uzoq vaqt o‘ynash niyati borligini ma’lum qildi. Eslatib o‘tamiz, ispaniyalik posbon 13 iyul kuni «MYU» safida 400-uchrashuvni o‘tkazdi.

«Klub safida 400ta o‘yinda maydonga tushganim bilan faxrlanaman. «Manchester Yunayted»nig bir bo‘lagi bo‘lish — bu aqlbovar qilmas holat. Men uchun bu yuksak natija. Umid qilaman, jamoa safida yana 400ta o‘yin o‘tkazaman va bu klub safidagi har bir kundan zavq olaman

Har bir o‘yinda «Manchester Yunayted» futbolkasini kiyish hamisha menga zavq beradi. Bu yerda ekanimdan xursandman. Bu jamoa sharafini hali uzoq yillar himoya qilmoqchiman», — dedi de Xea «qizil iblislar» rasmiy saytiga bergan intervyusida.