«Paxtakor» hujumchisi Igor Sergeev hisobida oliy ligada urilgan gollar soni 89taga yetdi.

Shu tariqa, u "Paxtakor" tarkibida yuqori ligada eng ko‘p to‘p kiritgan futbolchilar ro‘yxatida uchinchi o‘ringa ko‘tarilib oldi. Ikkinchi o‘rinda turgan Igor Shkvirin hisobida 91 gol mavjud. Demak, yana uch gol urgan taqdirda Sergeev bu ro‘yxatda ikkinchi o‘ringa ko‘tariladi.

Eng ko‘p to‘p kiritgan futbolchi Gennadiy Krasniskiy hisoblanadi. U yuqori liga o‘yinlarida 102 bor raqiblar darvozasini ishg‘ol qilishga erishgan. Keyingi pog‘onada joylashgan Igor Shkvirin 66 golini O‘zbekiston, 25 to‘pini esa SSSR chempionati oliy ligasida kiritgan. Sergeevdan so‘ng Birodar Abduraimov 87, Anvar Soliyev 86 gol muallifi bo‘lgan. Zayniddin Tojiyev 71, "Paxtakor"da ikkinchi yoshligini boshdan kechirgan Andrey Yakubik 70 gol urishga erishgan.

Kuchli o‘nlikdan Aleksandr Geynrix, Server Jeparov va Dilmurod Nazarov ham o‘rin olgan.

"Paxtakor"ning chempionatlar yuqori ligasidagi eng yaxshi to‘purarlari (top-10):

Gennadiy Krasniskiy — 102
Igor Shkvirin — 91
Igor Sergeev — 89
Birodar Abduraimov — 87
Anvar Soliyev — 86
Zayniddin Tojiyev — 71
Andrey Yakubik — 70
Aleksandr Geynrix —   66
Server Jeparov — 64
Dilmurod Nazarov — 56