Fransiya kubogi finali doirasida «PSJ» va «Sent-Etyen» klublari «Stad de Frans»da to‘qnash kelishdi. Uchrashuv parijliklarning kichik hisobdagi g‘alaba bilan yakunlandi.

Bahsning 14-daqiqasida Neymar hisobni ochishga muvaffaq bo‘ldi. 31-daqiqaga kelib esa «Sent-Etyen» himoyachisi Perren "PSJ" hujumchisi Mbappega nisbatan ishlatilgan fol uchun maydondan chetlatildi. Kilian ham o‘yinni boshqa davom ettira olmadi.

Parijliklar bir soat davomida bir kishi ko‘p bo‘lib o‘ynaganiga qaramay, o‘yinning qolgan qismida hisob boshqa o‘zgarmadi.

Shu tariqa, "Pari Sen-Jermen" o‘z tarixida 13-marta Fransiya kubogini qo‘lga kiritdi. Bu rekord natija hisoblanadi. «Marsel» hisobida 10ta sovrin mavjud.

«PSJ» ketma-ket to‘rtinchi marta ham chempionat, ham Kubokda g‘alaba qozonib, oltin dublni rasmiylashtirdi. Jamoa bu borada Fransiya rekordini takrorladi. «Sent-Etyen» hisobida ham 4ta oltin dubl bor.

Fransiya kubogi, Final
PSJ – Sent-Etyen 1:0 (1:0, 0:0)
Gol: 1:0 – 14 Neymar.
PSJ – Navas, Kerer (Dagba, 20), Markinyos, Tiago Silva, Bakker, Guye, Di Mariya, Paredes (Verratti, 75), Ikardi, Mbappe (Sarabiya, 33), Neymar.
Sent-Etyen – Mulen, Kolodzeychak, Perren, Debyushi (Krasso, 83), Mason (Mukudi, 34), Mvila, Kamara (Neu Nupa, 46), Budebuz (Norden, 75), Buanga, Amuma (Xazri, 46), Fofana.
Ogohlantirishlar: Mason (2), Bakker (29), Paredes (29), Amuma (29), Mulen (29), Verratti (31), Markinyos (35), Kamara (37), Mvila (51), Fofana (90).
Chetlatish: Perren (31).