Italiya chempionatining 36-turi doirasida «Roma» o‘z maydonida «Fiorentina»ni qabul qilib, qiyin g‘alabaga erishdi.

Rimliklar birinchi bo‘lim so‘ngida belgilangan penalti evaziga hisobni ochishdi. Ammo ikkinchi taym boshida Milenkovich hisobni tenglashtirdi. O‘yin tugashiga 3 daqiqa qolganida hakam "binafsharanglilar" darvozasi tomon yana penalti belgiladi. Bu safar ham Jordan Veretu 11 metrli jarima zarbasidan unumli foydalanib, "bo‘rilar"ga g‘alaba keltirdi.

Ushbu g‘alabadan keyin "Roma" o‘z ochkolarini 64taga yetkazib, 6-o‘rindagi "Milan"dan 4 ochkoga ilgarilab ketdi.
 
Italiya A seriyasi, 36-tur
Roma – Fiorentina 2:1 (1:0, 1:1)
Gollar: 1:0 – 45, penalti Veretu, 1:1 – 54 Milenkovich, 2:1 – 87, penalti Veretu.
Roma – Lopes, Spinassola, Kolarov, Manchini, Bruno Peres, Pellegrini (Dzanyolo, 60), Diavara (Kristante, 77), Mxitaryan (Karles Peres, 82), Veretu, Smolling, Djeko.
Fiorentina – Terrachchano, Milenkovich, Pesselya, Kaseres, Lirola, Dankan, Pulgar, Riberi (Kutrone, 46), Gezzal, Kyeza (Venuti, 82), Kuame (Vlaxovich, 46).
Ogohlantirishlar: Pesselya (35), Kaseres (72), Gezzal (85), Milenkovich (90), Manchini (90).