Италия чемпионатининг 36-тури доирасида «Рома» ўз майдонида «Фиорентина»ни қабул қилиб, қийин ғалабага эришди.

Римликлар биринчи бўлим сўнгида белгиланган пенальти эвазига ҳисобни очишди. Аммо иккинчи тайм бошида Миленкович ҳисобни тенглаштирди. Ўйин тугашига 3 дақиқа қолганида ҳакам "бинафшаранглилар" дарвозаси томон яна пенальти белгилади. Бу сафар ҳам Жордан Верету 11 метрли жарима зарбасидан унумли фойдаланиб, "бўрилар"га ғалаба келтирди.

Ушбу ғалабадан кейин "Рома" ўз очколарини 64тага етказиб, 6-ўриндаги "Милан"дан 4 очкога илгарилаб кетди.
 
Италия А серияси, 36-тур
Рома – Фиорентина 2:1 (1:0, 1:1)
Голлар: 1:0 – 45, пенальти Верету, 1:1 – 54 Миленкович, 2:1 – 87, пенальти Верету.
Рома – Лопес, Спинаццола, Коларов, Манчини, Бруно Перес, Пеллегрини (Дзаньоло, 60), Диавара (Кристанте, 77), Мхитарян (Карлес Перес, 82), Верету, Смоллинг, Джеко.
Фиорентина – Терраччано, Миленкович, Пеццелья, Касерес, Лирола, Данкан, Пульгар, Рибери (Кутроне, 46), Геззаль, Кьеза (Венути, 82), Куаме (Влахович, 46).
Огоҳлантиришлар: Пеццелья (35), Касерес (72), Геззаль (85), Миленкович (90), Манчини (90).