Turinning "Yuventus" klubi himoyachisi Leonardo Bonuchchi qo‘lga kiritilgan navbatdagi chempionlik haqidagi fikrlari bilan o‘rtoqlashdi.
"Bu eng chiroyli sovrin, chunki juda qiyinchilik bilan qo‘lga kiritildi. Joriy mavsumda biz yangi era boshladik, murabbiyning yangi falsafasi ko‘plab muammolarni keltirib chiqardi. Lekin biz oxirigacha kurashishda davom etdik, hatto juda ko‘plab xatolarga yo‘l qo‘yganimizda ham to‘xtamadik. Koronavirus tufayli yuzaga kelgan pauza? O‘sha paytlarda oson bo‘lmagan kunlarni boshdan kechirdik, dunyo uch oy ichida o‘zgarib ketdi. Eski ritmga qaytish oson emasdi, lekin biz buni uddaladik", - dedi himoyachi Sky Sport Italia bilan suhbatda.
