Туриннинг "Ювентус" клуби ҳимоячиси Леонардо Бонуччи қўлга киритилган навбатдаги чемпионлик ҳақидаги фикрлари билан ўртоқлашди.

"Бу энг чиройли соврин, чунки жуда қийинчилик билан қўлга киритилди. Жорий мавсумда биз янги эра бошладик, мураббийнинг янги фалсафаси кўплаб муаммоларни келтириб чиқарди. Лекин биз охиригача курашишда давом этдик, ҳатто жуда кўплаб хатоларга йўл қўйганимизда ҳам тўхтамадик. Коронавирус туфайли юзага келган пауза? Ўша пайтларда осон бўлмаган кунларни бошдан кечирдик, дунё уч ой ичида ўзгариб кетди. Эски ритмга қайтиш осон эмасди, лекин биз буни уддаладик", - деди ҳимоячи Sky Sport Italia билан суҳбатда.