Rimning «Roma» klubi yarim himoyachisi Xavyer Pastore Rossiyaning «Zenit» klubiga o‘tishi mumkinligi haqida Il Messaggero portali xabar bermoqda.
Pastorening o‘zi esa faoliyatini davom ettirishi mumkin bo‘lgan davlatlardan tushadigan barcha takliflarni ko‘rib chiqishga tayyor. «Zenit»dan tashqari, Pastorega Yevropaning bir qator klublari, shuningdek, Saudiya Arabistoni klublari ham qiziqish bildirmoqda.
Shu yilning fevral oyida «Zenit» Pastore bilan shartnoma imzolashga harakat qilib ko‘rgandi. Lekin futbolchi Rossiyaga borishni istamagandi.
