Rossiyaning "Ufa" klubi sharafini himoya qilayotgan Oston O‘runov hamon jamoa ixtiyorida bo‘lib turibdi. Bu haqda Boshqirdiston klubining vasiylik kengashi Rostislav Murzagulov ma’lum qildi.
«O‘runov borasida «Spartak» bizga murojaat qildimi? Men muhokama qilinayotgan narsalarga hech qanday aniqlik kiritmayman. Biz futbolchilarimizni sotib olish bilan bog‘liq har qanday masalaga pragmatik jihatdan qaraymiz. Qachon qulay taklif bo‘lsa qo‘yib yuboramiz, aksi bo‘lsa — yo‘q. Oston hozir jamoamiz bilan birga, transfer borasida hech qanday e’lon yo‘q», - dedi Murzagulov.
