7 avgust kuni «Lokomotiv» va «Zenit» o‘rtasida Rossiya superkubogi uchun bahs bo‘lib o‘tadi. "Temiryo‘lchilar" mazkur uchrashuvda ikkinchi tarkib bilan ishtirok etishlari mumkin. Bu haqda klub direktorlar kengashi raisi Anatoliy Mesheryakov ma’lumot berdi.

«Taqvim, ochig‘ini aytganda, juda g‘alati. Nazarimda, Superkubokni ham qo‘shib hisoblaganda 21 kun ichida 7ta o‘yin — bu haddan tashqari ko‘p. Biz, albatta, bu o‘yinga tayyorgarlik ko‘ramiz, lekin keyingi o‘yinlar taqvimi yaxshi o‘yin uchun xizmat qilmaydi. Boz ustiga, jarohatlar ehtimoli mavjud.

Istasak-istamasak taqvim bizni ikkinchi tarkib bilan o‘ynash ehtimolini nazarda tutishga majbur qilmoqda. Shubhasiz, Superkubok — muhim sovrin, lekin undan keyin bizni muhimligi jihatidan kam bo‘lgan 6ta o‘yin kutib turibdi», — dedi Mesheryakov.

Eslatib o‘tamiz, o‘zbekistonlik yarim himoyachi Jasur Jaloliddinov kecha "Lokomotiv" bilan 5 yillik shartnoma imzoladi. U yangi jamoasi safida 23-raqam ostida o‘ynaydi.