7 август куни «Локомотив» ва «Зенит» ўртасида Россия суперкубоги учун баҳс бўлиб ўтади. "Темирйўлчилар" мазкур учрашувда иккинчи таркиб билан иштирок этишлари мумкин. Бу ҳақда клуб директорлар кенгаши раиси Анатолий Мешеряков маълумот берди.

«Тақвим, очиғини айтганда, жуда ғалати. Назаримда, Суперкубокни ҳам қўшиб ҳисоблаганда 21 кун ичида 7та ўйин — бу ҳаддан ташқари кўп. Биз, албатта, бу ўйинга тайёргарлик кўрамиз, лекин кейинги ўйинлар тақвими яхши ўйин учун хизмат қилмайди. Боз устига, жароҳатлар эҳтимоли мавжуд.

Истасак-истамасак тақвим бизни иккинчи таркиб билан ўйнаш эҳтимолини назарда тутишга мажбур қилмоқда. Шубҳасиз, Суперкубок — муҳим соврин, лекин ундан кейин бизни муҳимлиги жиҳатидан кам бўлган 6та ўйин кутиб турибди», — деди Мешеряков.

Эслатиб ўтамиз, ўзбекистонлик ярим ҳимоячи Жасур Жалолиддинов кеча "Локомотив" билан 5 йиллик шартнома имзолади. У янги жамоаси сафида 23-рақам остида ўйнайди.