"Manchester Yunayted" Dortmundning "Borussiya" klubi vingeri Jeydon Sanchoga yangi taklif tayyorlab qo‘ydi. Bu haqda jurnalist Nikolo Skira xabar bermoqda.
Mankunianliklar tez orada "arilar"ga Sancho borasida rasmiy taklif yuboradi. "MYU" Jeydon uchun 120 million yevro to‘lashga tayyor.
Avvalroq, nemis klubi koronavirus pandemiyasi sababli yuzaga kelgan inqiroz tufayli, o‘z futbolchisining transfer narxi keskin arzonlab ketishidan xavotir olmoqda, shu sababli, uni tezroq sotib yuborishi haqida xabarlar tarqalgandi.
