Madridning "Real" va "Manchester Siti" klublari sobiq hujumchisi Emmanuel Adebayor YECHLning 1/8 final javob uchrashuvida doirasida bo‘lib o‘tadigan ushbu jamoalarning o‘zaro o‘yini haqida fikr bildirdi.
Eslatib o‘tamiz, "Santyago Bernabeu"da bo‘lib o‘tgan dastlabki uchrashuvda Gvardiola shogirdlari 1:2 hisobida g‘alaba qozongan edi.
"Real" vaziyatni o‘zgartira oladimi? Agar bu haqda ikki yil avval so‘raganingizda, ha deb javob bergan bo‘lardim. "Real" tarkibda Ronaldu bor bo‘lganida bemalol favorit deb ayta olardim. Uning gol uradigan mashinasi boridi. U istalgan vaziyatni o‘zgartirib yuborishi mumkin edi va bir mavsumda 50dan ortiq gol kiritardi. "Real" birinchi uchrashuvni o‘z maydonida mag‘lubiyatga uchradi va ikkinchi o‘yinda qiyinchilikka duch kelishi aniq. Lekin amalga oshirib bo‘lmaydigan ishning o‘zi yo‘q. "Real" tarkibida buyuk uchrashuvlarga tayyor bo‘lgan tajribali futbolchilar o‘ynaydi", - dedi Adebayor AS bilan intervyuda.
"Manchester Siti" - "Real" jamoalari o‘rtasidagi uchrashuv 7 avgust kuni bo‘lib o‘tadi.
